കുട്ടികൾക്ക്, മുതിർന്നവർക്ക്, രോഗം കഴിഞ്ഞു ക്ഷീണം മാറ്റേണ്ടവർക്ക് ഒക്കെ മുട്ട ഒഴിച്ചുകൂടാനാവാത്ത ഭക്ഷണമായാണ് കരുതിപ്പോരുന്നത്. പതിവു ഭക്ഷണത്തോടൊപ്പം ഗർഭിണി ഒരു മുട്ടയും ഏത്തപ്പഴവും കഴിച്ചാൽ തന്നെ ഗർസ്ഥശിശുവിന് ആവശ്യത്തിനുള്ള പോഷകങ്ങൾ ലഭിക്കുമെന്നതു പണ്ടേ പറഞ്ഞുപോരുന്നതാണ്. പ്രോട്ടീൻ സമ്പുഷ്ടമാണെന്നതു മുട്ടയെ പോഷകപ്രധാനമാക്കുന്ന ഘടകമാണ്. 100 ഗ്രാമിൽ ഏതാണ്ട് 12 ഗ്രാം പ്രോട്ടീനുണ്ട്. അവയിൽ ഏതാണ്ടെല്ലാം തന്നെ ഏക പൂരിതങ്ങളുമാണ്. കൂടാതെ സിങ്ക്, സെലിനിയം റെറ്റിനോൾ, ടോകോഫെറോൾസ് എന്നിങ്ങനെ ഒട്ടേറെ സൂക്ഷ്മപോഷകങ്ങളുമുണ്ട്. ഏതു പ്രായത്തിലും ഏതു ജീവിതാവസ്ഥയിലും ഉള്ളവർക്ക് ഭക്ഷണത്തിൽ ഉൾപ്പെടുത്തുന്ന പോഷകസമ്പുഷ്ടമായ വിഭവമായാണ് മുട്ടയെ നാം കരുതിപ്പോരുന്നത്.

watch video